تعـودت انصدم بالـذات ممـن هـم يحبـوني

تعبت من الوجيه اللي تجي وتروح بسهوله
وانا صعبه اصدق كيف خلوني وباعونـي

اقول احيان معقوله ؟؟ وهي ماهيب معقولـه
لأني ماقدرت الا معاهـم احسـن ظنونـي

واقول الجرح والزله من الغاليـن مقبولـه
ادور عذرهم واسكت وامشيها على هونـي

واقول اخطائهم تغفر وهي بالعمد مفعولـه
يلوموني على طيبـة خفوقـي يلومونـي

مادام ان النوايا بيـض والامـال مأمولـه
صبرت اكثر من الازم وقلت الا يريدونـي

وهم فعلا يريدوني ولكن النفـس مقتولـه
بعد ماقصرو حتى قبل فرقاهـم اعطونـي

كم جرح على كم كلمه كم طعنه وكم قوله
نعم مال علي حظي وبعد استاهل جنونـي

لأني طحت في بعض القلوب الغير مسؤله
تعودت انصدم بالذات ممن هم يحبونـي

وانا ماعندي استعداد اجرب واخسر الجوله
على كثر الوجيه اللي تمر الحين بعيونـي

احس الناس بالنسبه لي نـاس مجهولـه
بأعيش بدونهم عادي مثل ماعاشوابدونـي

وذي كلمه على لساني وهي بالقلب مقيوله
مادام الهوى طعنه وشفت طعونك طعونـي

تطمن حيل ياقلبي انـا ماعادنـي حولـه
ومادام كثير حبوني وجت فتـره وخلونـي

اجل بطلت وشوله احـب ؟؟ بالله وشولــه!؟

مما راق لـــــــــــي ،،
،وأتمني ان ينال اعجابكم

كلام راااااااااائع سلمت الأيادي اختي الكريمة
كلام ذهب تقبلي تحياتي

كلام في غاية الروعة

وأسلوب عبقري في إيصال الأحاسيس

ألف شكر يا غالية