منتديات احباب سوريا


برامج ميج33,برامج طرد ميج, برامج فلود ميج,عالم شات ميج وكل حصرياته وجديده,برامج كيكر,برامج سرقة نكات وعضويات,برامج ,جوالات, كمبيوترات,افلام, عربية, اجنبية ,اغاني, صور, ثيمات, توبيكات,برامج,هكرات,حماية,اقسام خاصة بالستالايت, حصريا على منتديات احباب سوريا
 
الرئيسيةدخولمكتبة الصورس .و .جبحـثالأعضاءالمجموعاتالتسجيل
جديد احباب سوريا: تم افتتاح اقسام خاصة بالستالايت واقسام هكر برامج وحماية منها وكل جديد برامج وافلام وحصريات اغاني ومسلسلات تفضلو بالتسجيل وكونو معنا اسرة واحدة لرقي هذا المنتدى الرائع

جديدعلى منتديات احباب سوريا:جديد وحصري تم افتتاح اقسام جديدة وخاصة بعالم الشات mig33برامج طرد برامج ميغ33 برامج فلود ميج برامج هكرات وكيكر ميج وكل مستلزمات mig33


شاطر | 
 

 للســـــورين فقط ....بتتذكروا ؟!؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابن سوريا

المدير العام
المدير العام
avatar

المساهمات : 947
نقاط : 2945
الجنس : ذكر
الابراج : السمك
العمر : 25

مُساهمةموضوع: للســـــورين فقط ....بتتذكروا ؟!؟    الإثنين أغسطس 30, 2010 5:35 am

بتتذكروا ،،،،

بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.

‏ بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر...


‏ بتتذكروا... المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.

بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله


بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.

‏ بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.

‏ بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج... يا حسرة.

بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..



بتتذكروا... عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعدين على كراسي القش اللي لما تقوم تلاقي سيقانك عليها شخوط ومربعات.

بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!

‏ بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...
يقول لك: مو رصيفكن هادا رصيف الحكومة
كلام منطقي, ‏ويتم يمرق قدام البيت ويقول لك مادخلك.

بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.

بتتذكروا.. لما الشباب بدهن يعملو عضلات يرحوا يترسو علب النيدو باطون ويحطوا بينهن عمود حديد وهووووووووب وآخر شي منكسرة ضهورهن.

بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت.


واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام
أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..

أول ما يفتح التلفزيون بتلاقيه يتفرج ع هيفا ونانسي وروبي
وعلى أيامنا قصص عالمية وسهرة صباحية ع الشدة كل ليلة خميس
وأم عمار ببرنامج ما يطلبه الجمهور
وعصمت رشيد يغني بين الشوطين


ايام كلنا نتمنى لو ترجع


-------*.*.*. الـتـوقـيـع .*.*.*-------


[ندعوك للتسجيل في المنتدى أو التعريف بنفسك لمعاينة هذه الصورة]

لا تشكو للناس جرحاً أنت صاحبه لا يعرف الجرح إلا من به ألم



[size=24]تحياتي لمن دمر حياتي[/size]
الرجوع الى أعلى الصفحة اذهب الى الأسفل
http://ahbabsyria.yoo7.com
رغدالشام

عضو جديد
عضو جديد


المساهمات : 2
نقاط : 2
الجنس : انثى
الابراج : الجوزاء
العمر : 27

مُساهمةموضوع: رد: للســـــورين فقط ....بتتذكروا ؟!؟    الثلاثاء سبتمبر 14, 2010 8:12 am

اي والله معك حق ياريت ترجع هديك الايام يعطيك العافية موضوع جميل
الرجوع الى أعلى الصفحة اذهب الى الأسفل
ابن سوريا

المدير العام
المدير العام
avatar

المساهمات : 947
نقاط : 2945
الجنس : ذكر
الابراج : السمك
العمر : 25

مُساهمةموضوع: رد: للســـــورين فقط ....بتتذكروا ؟!؟    الثلاثاء سبتمبر 14, 2010 7:37 pm

الله يعافي قلبك وشكرا لردك الكريم
منورة بوجودك الغالي

-------*.*.*. الـتـوقـيـع .*.*.*-------


[ندعوك للتسجيل في المنتدى أو التعريف بنفسك لمعاينة هذه الصورة]

لا تشكو للناس جرحاً أنت صاحبه لا يعرف الجرح إلا من به ألم



[size=24]تحياتي لمن دمر حياتي[/size]
الرجوع الى أعلى الصفحة اذهب الى الأسفل
http://ahbabsyria.yoo7.com
soso

عضوفعال
عضوفعال
avatar

المساهمات : 58
نقاط : 70
الجنس : انثى
الابراج : الثور
العمر : 24

مُساهمةموضوع: رد: للســـــورين فقط ....بتتذكروا ؟!؟    الأربعاء سبتمبر 29, 2010 9:51 pm

ههههههههههههههه اي والله صح متل ما عم تحكي كل شي صح يسلمووووووووووووووو
الرجوع الى أعلى الصفحة اذهب الى الأسفل
فادي طوني

عضو جديد
عضو جديد


المساهمات : 32
نقاط : 60
الجنس : ذكر
الابراج : الجدي
العمر : 40
العمل/الترفيه العمل/الترفيه : مهندس بقطر

مُساهمةموضوع: رد: للســـــورين فقط ....بتتذكروا ؟!؟    الجمعة أكتوبر 01, 2010 3:07 am

ليكو شباب انا مابتذكر غير العازيم قبل السفر لانو صرلي 13 سنة مسافر بر سوريا وبرجع قليل يعني كل سنتين مرة وكمان مافي مرة رجعت فيها من السفر الانزعمت فيها على بيت عمتي
الرجوع الى أعلى الصفحة اذهب الى الأسفل
ابن سوريا

المدير العام
المدير العام
avatar

المساهمات : 947
نقاط : 2945
الجنس : ذكر
الابراج : السمك
العمر : 25

مُساهمةموضوع: رد: للســـــورين فقط ....بتتذكروا ؟!؟    السبت أكتوبر 02, 2010 12:45 am

اهلا وسهلا فيكم منورين بردكم الغالي ياحلوين

-------*.*.*. الـتـوقـيـع .*.*.*-------


[ندعوك للتسجيل في المنتدى أو التعريف بنفسك لمعاينة هذه الصورة]

لا تشكو للناس جرحاً أنت صاحبه لا يعرف الجرح إلا من به ألم



[size=24]تحياتي لمن دمر حياتي[/size]
الرجوع الى أعلى الصفحة اذهب الى الأسفل
http://ahbabsyria.yoo7.com
 
للســـــورين فقط ....بتتذكروا ؟!؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احباب سوريا :: *,.-~*'¨¯¨'*•~-.¸-(_ (منتدى سورياوماحولها) _)-,.-~*'¨¯¨'*•~-.¸* :: قسم الفرفشة السورية-
انتقل الى:  
جميع الحقوق محفوظة لدى منتديات احباب سوريا
المواضيع الأخيرة
أفضل 10 أعضاء في هذا المنتدى
ابن سوريا
 
snow
 
alzoom
 
~ ست الشام ~
 
ocean heart
 
همسآآت
 
soso
 
بنت الأرز
 
سورية وأفتخر
 
الملكة